Giila ang probinsya sa Dinagat Islands nga usa ka grupo sa mega-diverse sa gagmay nga mga isla sa Pilipinas nga aduna’y taas nga lebel sa kritikal nga terrestrial ecosystem ug aduna’y talagsaong endemism sa flora ug fauna, diin kapin sa katunga niini wala makit-i sa bisan asa sa kalibutan. Ang probinsya mao usab ang pinuy-anan sa mga kritikal nga watershed areas nga dili lamang nagsilbi nga puy-anan sa mga talagsaon ug endemic nga species sa tanum ug hayop — nagsuplay usab sila og tubig nga nagsustenir sa mga komunidad sa tibuok isla.
Tungod niini, ang local government units (LGUs) sa Dinagat Islands nakig-partner sa pipila ka international ug local non-government organizations alang sa pagsugod ug pagpatuman sa Dinagat Communities for Conservation o DINAGAT C4C. Ang nasangpit nga proyekto gilunsad niadtong Huwebes sa Hotel Tavern sa Surigao City.
Kini nga mga NGO — ang US-based Rainforest Trust (RFT), Kaisahan tungo sa Kaunlaran ng Kanayunan at Repormang Pansakahan (KAISAHAN), Balay Alternative Legal Advocates For Development in Mindanaw (BALAOD Mindanaw), Philippine Association for Intercultural Development (PAFID), ug International Land Coalition (ILC) Asia — naghiusa aron matabangan ang mga stakeholder sa Dinagat Islands sa pagsiguro sa deklarasyon ug sa hustong pagdumala sa mga key biodiversity area ug local conservation area pinaagi sa inisyatiba sa mga komunidad.
Ang pagkatukod sa DINAGAT C4C mao ang kulminasyon sa Dinagat Islands Conservation Program (DICP), nga gikonsepto ug gihimo sa buhatan ni kanhing Dinagat Islands Lone District Representative Kaka Bag-ao uban sa provincial office sa Department of Environment and Natural Resources (DENR).
Ang local chief executives nga mitambong sa paglunsad ug MOA signing mao sila si Cagdianao Mayor Marc Adelson Longos, Dinagat Mayor Simplicio Leyran Jr, Tubajon Mayor Fely Pedrablanca, ug Libjo Vice Mayor Zoltan Arnel Edera.
Gitapos ang kalihukan pinaagi sa simbolikong pagpirma sa Commitment of Dinagat Communities for Conservation sa LGU officials, NGO partners, ug uban pang stakeholders.
Anaa sa usab sa aktibidad si Department of Environment and Natural Resources (DENR) Assistant Regional Director Marites Ocampo, Dinagat Islands Provincial Board Member Anna Lyn Dialde (District 1), Provincial Planning and Development Assistant Coordinator Grace Villapando, Provincial Environment and Natural Resources Office – LGU OIC Avelina Medallo, Dinagat Vice Mayor Petnel Sombrado, ug nagkadaiyang Media personnel sa Philippine Inquirer, NET 25, Rappler, DXKS, ug DXSJ – Infinite FM.
PLEASE SUBSCRIBE OUR YOUTUBE CHANNEL: