Menu

1ST MASS GRADUATION RITES FOR DRIVING NC II

Malampuson ang graduation rites sa 100 ka mga trainees nga nabahin sa tulo (3) ka batch sa Driving NC II ilalom sa Access to Quality Tertiary Education Act nga giimplementa sa Technical Education and Skills Development Authority (TESDA) Provincial Training Center – Dinagat Islands nga gipahigayon sa Barangay R. E. Ecleo Gymnasium sakop sa lungsod sa Cagdianao.

Naghatag ug mensahe si TESDA Regional Director Tarhata S. Mapandi isip guest speaker ug matud pa niya, mag-stay usa siya diri sa probinsya sulod sa unom (6) kaadlaw aron malibot ang pito (7) ka munisipyo kay plano nila’ng magtukod kada munisipyo ug training center aron ang mga lumulupyo dili na mobyahe pa sa laing lungsod aron mag-training. Nagpasalamat usab siya kay Governor Kaka Bag-ao tungod kay daghan kini’g plano nga gisugyot kaniya ug diin ang tanang plano niini alang sa kaayuhan ug kalambuan sa probinsya suportado nila sa Caraga Region. Gi-congratulate usab niya ang tanang ni graduate ug manghinaot siya nga sa mosunod nga mga adlaw magamit na sa mga ni-graduate ug puhon mamahimo na usab sila nga trainor.

Gi-congratulate usab ni Gov. Kaka ang tanang ni-graduate tungod kay nakadawat na gayud sila ug certificate ug eligible na sila mo-drive apan dili pa pwede tungod kay wala pa sila’y lisensya. Matud pa usab niya nga iya nang giistorya ang Regional Director sa Land Transportation Office (LTO) nga magtukod na diri sa probinsya ug satellite office ug i-priority niya ang mga naka-graduate sa Driving NC II aron dili na makagasto ug dako pa alang lang sa pagbiyahe paingon sa Surigao City.

Nagpasalamat usab si Gov. Kaka kay RD Mapandi nga mag-stay ug dugay diri sa probinsya aron makita niya ang kahimtang sa katawhan ug matubag ang mga panginahanglon sa komunidad nga mga training sama sa carpentry, welding, ug uban pa nga aduna’y kalambigitan nga mga trabaho sa Dinagat Islands.

Sa laing bahin, malipayon usab si R. E. Ecleo Barangay Captain Zacarias Gumamera kay nabalik na ang training center sa Dinagat Islands ug mapasigarbuhon siya nga kini nahimutang sa ilang barangay. Nalipay usab siya kay i-improve pa ni Gov. Kaka ang ilang gymnasium ug ang training center.

Makita ang kalipay ug kadasig sa mga hulagway sa mga ni-graduate kung diin gisaksihan kini sa pipila ka mga personahe sa TESDA – Dinagat Islands sa pagpanguna ni Acting Provincial Director Liza Budtan, pipila ka mga Kagawad sa naasoy nga Barangay, ug contact tracing trainees.

share

Share on facebook
Share on twitter