Menu

3RD QUARTER PPOC-PADAC MEETING

Nagmalampuson nga gipahigayon sa Provincial Government ang 3rd Quarter Provincial Peace and Order Council (PPOC) – Provincial Anti-Drug Abuse Council (PADAC) regular meeting sa Provincial Governance Center sa pagpanguna ni Governor Kaka Bag-ao inubanan nila Department of the Interior and Local Government (DILG) Provincial Director Domingo E. Bulabog isip secretariat head.


Gihisgutan sa panagpulong kung unsa ang mga diskusyon sa previous meeting ug actions undertaken, peace and order and public safety situation, updates on barangay drug clearing program (BDCP), Peace and Order and Public Safety Plan and Budget for 2022, ug Dinagat Islands Alliance for Development (DIAD) updates.
Sigon sa update ni PD Domingo Bulabog ug base sa miaging 2nd Quarter PPOC-PADAC meeting, ilang nahisgutan nga gikinahanglan himuong istrikto ang pagtungha sa mga meeting.


Nahisgutan usab sa panagpulong ang scholarship grant nga gi-implementar sa Commision on Higher Education (CHED) diin ang matag estudyante nga makapasar sa exam makadawat ug allowance nga P30,000 matag semestre ug ang wala makapasar mao’y i-accomodate sa TES scholarship ug hatagan sa full scholarship sa atong Provincial Government.


Gihugtan usab ang pagbuo ug dugang grupo nga Community Enforcer for Environmental Conservation isip Bantay Dagat ug Bantay Gubat alang sa pag mentenar ug maprotektahan ang kinaiyahan.


“We have to strenghten our partnership with national government so that the Provincial Government will support their projects and programs in accordance sa objectives sa people’s organizations. Gusto nating makakita ng buhay na organisasyon,” sigon ni Gov. Kaka isip pagpaabot sa iyang gustong mahitabo.


Gituki usab kung unsa ang mga lakang nga gibuhat sa mga tinugyanan sa balaod aron magpabiling hapsay ug malinawon ang probinsya. Base sa datos nga gipakita sa kapulisan, aduna’y pipila ka mga kaso ang naitala sama sa physical injury, rape, ug reckless imprudence resulting to physical injury. Matod pa, ubos kaayo kini nga mga kaso kumpara sa mga niaging tuig. Aduna usab sila’y naitala nga ilegal nga sabong diin 4 niini ang nadakpan, illegal logging nga 3 ang nadakpan, ug usa ka gi-turnover nga expired licensed 45 caliber pistol. Dugang pa, mapasigarbuhong gisibya sa atong kapulisan nga ang Dinagat Islands nagpabiling insurgency-free nga gi-award niadtong 01 December 2020.


Naglatag usab ang buhatan sa Bureau of Fire Protection (BFP) sa mga panghitabo nga may kalambigitan sa sunog sa pipila ka mga kabukiran. Base sa datos, niadtong tuig 2020 aduna ra’y 2 ka fire incident ang naitala ug karong 2021 nikabat kini sa 9 ka fire incident sulod sa January hangtod August. Aduna’y 61 ka mga personahe ang BFP ug 31 kanila residente sa Dinagat Islands. Gipagawas usab sa ilang buhatan ug update bahin sa COVID-19 diin sugyot ni BFP Provincial Director nga si SINSP Abelardo Silverio nga aduna na sila’y 29 ka mga personahe na fully vaccinated na ug 9 niini ang first dose pa lamang.


Sa katapusang bahin, gipaila sa mga membro si Agent Cyril Badola isip representate sa Philippine Drug Enforcement Agency (PDEA) ug matud kaniya nga nagpabiling drug-cleared province ang Dinagat Islands sukad pa niadtong October 2018.


Tumong sa maong kalihukan mao ang paghatod sa dugang kaalam aron masinati sa katilingban nga taliwala sa kapit-os ug kawad-on, nagpabiling lig-on ug naglimbasog nga gidumala ang probinsya sa Dinagat Islands bisan paman sa unsang hagit ug kayugot wala motalikod ang gobyerno sa gisaad nga kalambuan.

share

Share on facebook
Share on twitter