Menu

ABOT NA KABUHAYAN SA KALIKASANG BUHAY MENTORING AND COACHING (SESSION 6)

Gidiskusyonan ang simple book keeping / accounting and finance sa ika-6 nga sesyon sa padayong Abot na Kabuhayan sa Kalikasang Buhay mentoring and coaching program.

Mahinungdanon sa usa ka negosyo ang book keeping ug accounting tungod mao kini ang magpamatuod sa kumpleto nga record sa mga transaksyon. Usa kini ka sistema sa insaktong pagpadagan sa negosyo diin makita kung nahiuyon ang proseso ug regulasyon sa accounting ug mahibal-an ang kinatibuk-ang kita, kinatibuk-ang gasto, ug makita ang kinatibuk-ang ginansya o net profit sa negosyo.

Dakong tabang usab kini para masuta ug maibanan ang mga sayup sa pagpadagan niini ug maila ang assest ug liabilities ug pagpalambo sa equity sa usa ka negosyante aron magmalungtaron ang usa ka negosyo.

Dugang gipasabot ni Angelpreneur / ASEAN Mentor Victor N. Madlangbayan kung unsa ang income statement, balance sheet, ug cash flow statement pinaagi sa payback period. Gituki usab niini ang kalainan ug pag-ila sa fixed cost, variable cost, ug total cost lakip na ang uban pang importanting kasayuran alang sa pagpalambo sa ilang negosyo.

Lakang kini sa Provincial Government ilalom sa pagdumala ni Governor Kaka Bag-ao pinaagi sa Provincial Cooperative Development Office (PCDO) / Local Economic Enterprise and Investment promotion Office (LEEIPO) kauban ang Department of Trade and Industry (DTI) nga nagkab-ot sa pagkapasidad sa mga gagmay’ng negosyante nga dakong tabang sa pagbuhi sa lokal nga ekonomiya sa probinsya.

share

Share on facebook
Share on twitter