Menu

AN APPEAL TO THE PNP TO ENSURE FAIRNESS IN SERVING ARREST WARRANTS

Nahisgutan sa Provincial Peace and Order Council – Provincial Anti-Drug Abuse Council (PPOC-PADAC) meeting ang kabahin sa problema kung unsaon pag-serve sa warrant of arrest sa mga pulis.


Base sa datos, sagad sa mga pag-aresto mahitabo sa adlaw nga Biyernes. Tungod ang mosunod nga adlaw’ng Sabado ug Dominggo, maglisod na pag-access sa korte ang mga gi-aresto ug mga hingtungdan awtoridad, kauban usab niini ang lain pang mga posibleng rason sa katuyuan nga mahatagan ug patas nga pagtratar ang mga akusado ilalom sa balaod.


Alang kay Governor Kaka Bag-ao, usa ka hinungdanon ang bahin sa hustisya nga aduna’y patas nga pagtan-aw sa balaod. Lakip usab kini nga aduna’y higayon nga ma-rehabilitate ug ma-reintegrate sa katilingban ang usa ka konbiktado.


Kung ang usa ka tawo nabilanggo sa adlaw’ng Biyernes, tungod kay sirado ang korte sa musunod nga mga adlaw, gihikawan na sa kahigayonan ang usa ka akusado nga matul-id ang sayop nga pag-aresto sa iyang pagtuo. Dugang pang problema nahimutang sa Surigao City ang hukmanan alang sa Dinagat Islands, dugang pang suliran ang malisod nga pag-access sa mga Dinagatnon sa buhatan sa Public Attorneys Office (PAO). “One hour in jail is one hour too long for innocent persons or for those who may be guilty and may still have the chance to change,” ingon man ni Gov. Kaka, nga usa ka abogado nga nagdumala sa daghang kaso, labi na ang may kalambigitan sa mga kabus ug uban pang mga punoan nga sektor.


Sa panagtigum sa PPOC-PADAC nga gipanguluhan ni Gov. Kaka isip Chairperson ug Presiding Officer, gihisgutan pag-usab ang mga isyu alang sa dali nga atensyon sa Philippine National Police (PNP).


Sa diskusyon, naghain sa usa ka mosyon si Provincial Information Officer Mamshie Jeff Crisostomo nga ipasa ang resolusyon nga nag-apelar sa PNP Regional Command nga hunahunaon ang konteksto sa mga komunidad sa Dinagat Islands isip geographically isolated ug disadvantaged areas pag-abto sa execution sa arrest warrants gikan Biyernes hangtod Domingo kung kanus-a dili maka-access sa hustisya ang detained individuals. Dugang pa ni PIO Crisostomo nga ang katuyoan sa resolusyon nakaangkla sa diwa sa kaangayan ug pag-ila sa dignidad sa matag tawo.


Sa pagsegunda ni Board Member Noli Abis (Distrito 2) tungod kay wala’y pagtutol gikan sa mga myembro sa PPOC ug PADAC, dineklara ni Gov. Kaka nga aprubado ang nahisgutang resolusyon.

share

Share on facebook
Share on twitter