Menu

AWARDING OF PROVINCIAL LIVELIHOOD FUND FOR ECONOMIC DEVELOPMENT (PROLIFE)

Madasigong gidawat sa mga opisyal sa San Jose Market Vendors Multipurpose Cooperative (SJMMVMPC) ang gi-award sa Provincial Government nga tseke na nagkantidad sa P700,000 isip dugang nga puhonan sa ilang kooperatiba. Personal kining gitunol nila Governor Kaka Bag-ao kauban sila Provincial Cooperative Development Officer Alvin B. Dela Cruz, ug Department of Trade Industry Provincial Director Elmer M. Natad.


Pipila lamang sila sa mga nahatagan ug pondo nga sulod sa programa sa Provincial Government pinaagi sa Provincial Cooperative Development Office (PCDO) nga nagsiguro ug nagtinguha nga mahatagan ug igong suporta ang mga sektor sa katawhan sa ilang panginabuhian ug negosyo nga maoy unang pamaagi sa padayong pagbuhi sa lokal nga ekonomiya sa probinsya sa Dinagat Islands.


Gidasig ni Gov. Kaka ang mga membro sa SJMMVMPC nga mapalambo ang ilang negosyo diin tumong niini nga matubag ang mga panginahanglanon sa ilang kooperatiba ug mahatagan ug igong pondo sa pagpataas sa kita o abot sa matag membro. Labing tinguha usab niini nga mahatag ang nag-unang gikinahanglan sama sa pagsiguro sa pagkaon sa katawhan ilabi na sa panahon nga gisagubang ang krisis sama sa COVID-19.


Sa mensahe ni Remedios B. Panangin isip chairman sa kooperatiba sila mapasalamaton sa mga tigdumala sa Provincial Government ug sa PCDO nga nagdungog sa ilang hangyo nga additional fund diin dako ug ikatabang sa padayong pagpalambo sa ilang negosyo diin aduna’y pondo magamit sa ilang gikinahanglan para matabangan ang mga membro ug mo-asenso sa ilang panginabuhi.

share

Share on facebook
Share on twitter