Menu

AWARDING OF REGIONAL AND PROVINCIAL PLAQUES AND PRIZES TO OUTSTANDING LUPONG TAGAPAMAYAPA

Ubay-ubay nga gipasidunggan sa Provincial Government nga gipangunahan ni Governor Kaka Bag-ao ug Department of the Interior Local Government (DILG) nga gipasiugdahan ni Provincial Director Domingo Bulabog ang mga Lupong Tagapamayapa Awardees sa tibuok probinsya.


Nakadawat sa Excellence Award ang Barangay Cabunga-an sa lungsod sa Cagdianao sa 1st to 3rd class municipality category ug Barangay San Juan sa lungsod sa San Jose sa 4th to 6th class municipality category sa tibuok Caraga Region.


Sa 4th to 6th class municipality category sa provincial level, namahimong awardees ang pipila ka barangays base sa ilang ranking:


1st – Barangay Sering (Basilisa)

2nd – Barangay Cabilan (Dinagat)

3rd – Barangay Malinao (Tubajon)

4th – Barangay Magsaysay (Libjo)

5th – Barangay Carmen (Loreto)


Gawas sa plaque nga nadawat sa Lupong Tagapamayapa nga gilangkuban sa Barangay Officials ug barangay secretaries, nakadawat usab sila ug tseke. Premyo kini sa ilang kasibot nga ilang gipakita atol sa gipahigayon nga search for Lupong Tagapamayapa sa Provincial Peace and Order Council (PPOC).


Madasigon si Gov. Kaka sa maayong performance nga gipakita sa matag barangay nga mao’y partner sa Provincial Government alang sa pagsiguro sa kahapsay ug kalinaw sa usa ka komunidad.


Gipahibalo usab ni Gov. Kaka ang mga awardees nga pwede silang makagamit sa DinagatLink Provincial buses sa Kapitolyo kung aduna sila’y mga kalihukan nga nanginahanglan ug sakyanan nga daghan ang masigo.


Mitambong sa gihimong awarding ceremony sila Board Members Anna Lyn Dialde (District 1), Noli Abis (District 2), Absalon Colandog (Phillippine Councilors League), Elmie Olaco (Liga ng mga Barangay), ug pipila ka mga opisyal ug empleyado sa Kapitolyo.

share

Share on facebook
Share on twitter