Menu

CAPACITY DEVELOPMENT ACTIVITY FOR BARANGAY VAWC DESK OFFICERS IN CAGDIANAO MUNICIPALITY

Padayon ang capacity development activity nga gipahigayon sa Provincial Government pinaagi sa Provincial Social Welfare and Development Office (PSWDO) alang sa Barangay Violence Against Women and Children (VAWC) Desk Officers ngadto sa lungsod sa Cagdianao.

Gitudluan ang mga VAWC Desk Officer kung unsaon pag-assist ang biktima sa VAW aron masiguro ang Barangay Protection Order lakip na ang access services nga gikinahanglan. Gipasabot sa ilaha kung unsa ang ilang trabaho, responsibilidad, ug mga kinahanglan nga buhaton aron masolusyonan ang mga problema sa ilang barangay, ug mahilikay sa bisan unsa’ng matang sa pagpangabuso ang kababayen-an ug kabatan-onan.


Gipahibalo usab ngadto kanila ang mga benepisyo nga mahimong ma-avail sa katawhan sama sa medical assistance, cash assistance, ug burial assistance lakip na ang gikinahanglan nga requirements aron maka-avail sa gitawag ug Dangpanan Program.

Atol sa ilang aktibidad, aduna’y gipanghatag nga 1 ream bondpaper, plastic envelope nga aduna’y sulod nga record book, ballpen, ug correction pen, cellphone, sim card, ug load card sa mga VAWC desk officer diin dakong kalipay ang makita sa ilang mga hulagway. Ang cellphone nga naa’y sim card mao’y magsilbing hotline number sa VAWC Desk Officers ngadto sa matag barangay.

Alang sa kasayuran sa tanan, mao kini ang PSWDO hotline number kung aduna’y mga pangutana mahitungod sa mga benepisyo nga gustong ma-avail: 0950 709 3372.

share

Share on facebook
Share on twitter