Menu

CONSULTATION ON THE PLANNED CEMETERY AND PORT

Alang sa dugang pagpalambo sa 402.802-hectare Provincial Government Center, nagpakonsulta ang Provincial Government ubos sa pagdumala ni Governor Kaka Bag-ao ngadto kang Mr. Jake Miranda isip usa ka President/Stockholder sa Surigao Memorial Park Inc. inubanan sa mga banggi-itan ug respetadong abogodo sama nila Atty. Kristy Villanueva, Atty. Jazmin Banal, ug Atty. Reagan De Guzman.

Gisaysay ni Gov. Kaka nga gusto na niya ma-implementar ang Public Cemetery tungod kay kinahanglan na kini sa katawhan sa Dinagat Islands aron anaa na’y mas plastar ug dako nga lugar na mabutngan sa mga mipanaw na sa laing kalibutan.

Gipadayag ni Mr. Miranda, kung magtukod ug sementeryo kinahanglan aduna’y private stakeholder nga mamahimong korporasyon apan kinahanglan sila mag-submit ug proposal alang sa pagtukod, pag-transfer, pag-manage, ug pag-operate sa cemetery.

Gihisgutan usab nila ang status ug design sa Department of Health (DOH) Sea Ambulance nga gihatag sa Provincial Government. Sigon kanila, dali kining malunod tungod sa high center of gravity design ug bug-at ang atop lakip na ang cabin diin kinahanglan tanggalon ug pulihan ang style.

Bahin sa Mariners Dock Facility – Dinagat Provincial Embassy, gipahimutang kini sa Lipata, Surigao City tungod nangita ang Provincial Government ug pantalan nga layo aron makalikay sa daghang modunggo ug ilabi na sa seguridad sa katawhan.

Anaa ang presensya nila Provincial Planning and Development Coordinator Jorge C. Daligdig, Provincial Cooperative Development Officer Alvin B. Dela Cruz, Provincial Disaster Risk Reduction and Management Officer Rosario Jra. Roxas-Alon, ug Provincial Assessor Jopher S. Tarre atol sa gipahigayon nga konsultasyon.

share

Share on facebook
Share on twitter