Menu

COURTESY CALL OF TESDA RD TARHATA MAPANDI TO GOV. KAKA BAG-AO

Maabi-abihon nga gi-welcome ni Governor Kaka Bag-ao si Technical Education and Skills Development Authority (TESDA) Regional Director Tarhata S. Mapandi sa iyang pagbisita sa Dinagat Islands diin giimbita niya kini ug paniudto sa iyang buhatan sa Provincial Governor’s Office.

Gipasundayag ni Gov. Kaka ang dakong kadasig nga gipakita sa pipila ka asosasyon nga makakat-on aron molambo ang ilang panginabuhian sama sa Sta. Cruz Fisherfolks Community Workers Association (SCFCWA), McArthur Farmer Entrepreneur Association (MAFEA) sa Barangay Rosita, ug Tabo sa Kapitolyo nga kanunay’ng gipahigayon alang sa gagmay’ng mananagat ug mag-uuma.

Gipaabot ni Gov. Kaka ang pipila ka programa nga gustong buhaton sa Provincial Government kung diin nanginahanglan kini ug training aron mamahimong skilled workers ang mga citizen partners nga moapil. Usa na niini ang umaabot skills training sa mga kabatan-onan sa Tubajon Municipality alang sa ilang youth income generation. Lakip na niini ang iyang mga plano alang sa kaayuhan sa mga Dinagatnon ilabi na ang iyang plano nga magpatukod ug state college alang sa kaayuhan sa mga kabataan para dili na sila moadto pa sa lagyong dapit aron motungha sa kolehiyo.

Gipadayag usab ni Gov. Kaka nga pokus sa iyang administrasyon ang conservation tourism approach, diin matod pa ni RD Mapandi nga iya kining suportahan isip usa ka forester nga nagtrabaho kaniadto sa Department of Environment and Natural Resources (DENR) sulod sa 11 ka tuig.

Sa katapusang bahin, gihan-ay ni Gov. Kaka ang schedule ni RD Mapandi aron makabisita kini sa pipila ka mga tourist destination nga ikapasigarbo sa probinsya sa Dinagat Islands gawas sa pipila ka training center ug demonstration farm nga ilang duawon.

Mitambong sa gihimong lunch meeting sila TESDA OIC Provincial Director Liza Budtan, Provincial Labor, Employment, and Manpower Office – OIC Lucy Galabo, Provincial Population Officer Lucio Mercado, ug Provincial Tourism and Cultural Officer Benlen Navas.

share

Share on facebook
Share on twitter