Menu

COURTESY CALL OF THE PNP CHIEF TO GOVERNOR KAKA BAG-AO

Nibisita sa Dinagat Islands si Philipine National Police (PNP) Chief Police General Guillermo Lorenzo T. Eleazar kauban ang pipila ka banay niini nga sila Police Major General Bartolome R. Bustamante, Police Colonel Gregory Bognalbal, PRO13 Regional Director Police Brigadier General Romeo M. Camarat Jr, ug Police Lieutenant General Manuel M. Abu aron mabisita ang Dinagat Islands Police Provincial Office (DIPPO) ug makauban si Governor Kaka Bag-ao ug uban pang mga opisyal sa usa ka courtesy call.

Gipadayag ni Gov. Kaka ang mga kalihukan nga gibuhat sa mga pulis lakip na ang subling pagbuhi niini sa demokrasya ug tawhanong katungod nga gihatagan nila ug importansya. Diin dako usab sila ug kontribusyon sa Provincial Peace and Order Council (PPOC) ug Provincial Anti-Drug Abuse Council (PADAC) nga may kalabutan sa interbensyon sa katawhan.

Matod pa ni PGEN Eleazar, isip usa ka hepe sa polisya, ang pagrespeto sa tawhanong katungod ang usa sa pinakauna nilang gihuna-huna sa kung unsa ang mas maayong buhaton. Ingon usab siya nga iyang gi-summarize ang iyang programa nga kung diin ang konsepto niini mao ang intensified cleanliness policy nga nag-anchor sa “broken window theory” o dili na padak-on ang gamay nga problema.

Gihatagan usab si PGEN Eleazar sa Provincial Government nga gipanguluhan ni Gov. Kaka ug mga produkto isip usa ka token nga kaugalingong produkto sa Probinsya. Gihatagan usab sa PNP Chief si Gov. Kaka ug usa ka plaque isip token sa pag-ila.

Giduyugan kini nila DIPPO Provincial Director PCOL Germano Mallari, Vice Governor Nilo Demerey Jr, Department of the Interior and Local Government (DILG) Provincial Director Domingo Bulabog, Board Members Noli Abis (District 2), Ali Adlawan ug Anna Lyn Dialde (District 1), Absalon Colandog (Philippine Councilors League), ug Elmie Olaco (Liga ng mga Barangay).

Anaa usab ang mga presensya sa mga local chief executives sa Dinagat Islands nga sila Cagdianao Mayor Adolfo Longgos, Dinagat Mayor Simplicio Leyran, Libjo Mayor Lamberto Llamera, ug Tubajon Mayor Simplicia Pedrablanca, kauban sila Dinagat Vice Mayor Petnel Sombrado, mga Sangguniang Bayan Member, ug heads of offices sa Kapitolyo.

share

Share on facebook
Share on twitter