Menu

FINANCIAL WELLNESS / LITERACY SEMINAR

Paghatag ug insaktong kahibalo bahin sa pagtipig ug aron mapalambo ang pagpuyo sa matag empleyado dinhi sa Kapitolyo mao ang tumong ug tinguha sa gidiskusyunan atol sa pakig pulong kauban si Provincial Human Resource and Management Officer Elvis dela Merced ug Provincial Cooperative Development Officer Alvin Dela Cruz sa Tabo Area.

Gipaninguha niini nga aduna’y mahinugdanong bili ang ipatuman nga seminar nga uyon sa mga panginahanglanon sa nagkadaiyang empleyado sa matag opisina. Pipila sa mga component niini mao ang financial fitness ug proper handling of money diin giisa-isa kini pagtuki aron masabtan sa matag empleyado kung unsaon pagtipig ug pagbahin sa sweldo alang sa umaabot nga panahon aduna’y kakuhaan ug maka-sustento kini sa tanang panginahanglanon.
Gipasabot ni PCD Officer Alvin Dela Cruz isip usa ka resource speaker sa maong seminar nga kasagaran sa mamahimong rason ug sinugdanan sa dili pagkasinabtanay labi na kung pamilyado ang usa ka empleyado mao ang kakulangon sa financial diin wala na kini ma-take home na kwarta tungod kay nabahin-bahin na kini sa mga nagkadaiyang bayrunon.

Dugang pa niya, kinahanglan gayud planado ang matag gastos sa pangadlaw-adlaw ug dili lamang magsalig sa sweldo, kinahanglan usab gayud na aduna’y laing source of income ang matag usa aron malikay sa mga posibling panghitabo sa umaabot.

Sa laing bahin, gipasabot sa seminar kung usa ka mahinungdanon sa pagtipig ug dugang ideya sa pagpanginabuhi aron matabangan sila nga makab-ot ang usa ka sa malahutayon nga panginabuhian ug makatabang sa pagsulbad sa ilang kawad-on. Lakip na usab nga gibutyag ni PCD Officer dela Cruz ang build-up stage scheme kung diin gisulti niya nga sa pangidaron nga 22 hangtod 34, ang usa ka empleyado 100% nga nagsalig lamang sa sweldo ug depende sa status sa panginabuhi ug sa pamilya kay aduna ma’y ubang empleyado nga arangan na daan ug sa pangedaron nga 34 hangtod 47, mao kini ang panahon nga kinahanglan nga aduna na’y gamay’ng natigum o napundar ang matag empleyado diin 80% lamang sa sweldo ang magasto ug 20% niini anaa sa savings.

Dugang pa, sa panginadaron nga 48 hangtod 59, mao na gayud kini ang panahon nga medyo hamugaway na ang pagpuyo sa matag usa diin 30% na lamang ang gikan sa sweldo ug 60% ang gikan sa laing source of income ug masuportahan na niini ang tanang panginahanglanon. Pag-abot sa final stage sa edad nga 60, mao na kini ang pagretiro sa pagpanerbisyo.

share

Share on facebook
Share on twitter