Menu

HOLY MASS AND CHARTER DAY PROPER OPENING (KAADLAWAN NAN PROBINSYA DAY 2)

Gisugdan sa usa ka balaang misa ang ika-15 Kaadlawan nan Probinsya sa Dinagat Islands nga gidumalahan nila Rev. Fr. Nick Penados (DCS Parish Priest of Cagdianao), Delfin Jabines, Rev. Fr. Joseph Cantilado (DCS Parish Priest of Dinagat), Rev. Fr. Marjun Sajulga (DCS Vicar Forane and Parish Priest of Libjo), Rev. Fr. Julius Senados (PACEM Parish Priest of Loreto), ug Rev. Fr. Dennis Jabines (PACEM Parish Priest of Tubajon).

Gisundan dayon kini sa pormal nga pag-abri sa Charter Day proper, diin giasoy ni Provincial Administrator Aimee A. Jimeno ang tanang kaagi sa Dinagat Islands gikan sa pagsugod niini hangtud nga nahimo kining usa ka hingpit nga probinsya.

Gipasidunggan niini ang tanang katawhan nga aduna’y dakong kalabutan sa pagkab-ot sa katumanan nga mamahimong usa ka probinsya ang Dinagat Islands gikan sa kusog nga pakigbisog ni kanhing Governor Glenda B. Ecleo nga nagsulat sa Republic Act No. 9355, ilabi na usab sa matag usa nga lungsuranon nga nangampanya ug maayo alang sa kadaugan sa plebisito.

Gihinumduman usab ang mga nangagi ug mga angayang panulundon aron makapadayon sa kaugmaon nga mas maayo, hayag, patas, ug labing makiangayon sa matag Dinagatnon, kung diin ang agianan sa pag-uswag wala’y mahabilin bisag usa.

Isip usa ka probinsya abli ang pultahan alang sa tanang katawhan, diin ang kahigayonan ug katungod sa pagdumala sa komunidad ang Provincial Government magsiguro sa mas daghang pultahan ug oportunidad alang sa paglambo, pagtukod sa dugang pamaagi nga aduna’y patas nga pag-ila sa tawhanong katungod ilabi na sa pakigbatok sa krisis sa pangkalibutang pandemya, ug pag-apil sa mga tawo sa demokratikong pagdumala.

Malipayon kining gisaksihan sa mga opisyal sa Provincial Government ug Municipal Local Government Unit (MLGU) kauban ang hepe ug personahe sa nagkadaiyang sangay nga ahensya sa gobyerno, ug lain-laing sektor sa komunidad nga nakighiusa sa pagsaulog sa Crystal Aniversary nga aduna’y tema nga: “Kinabuhi ug panginabuhian sa katawhan ug kinaiyahan, panalipdan! Tul-id nga pangagamhanan, katungod sa katawhan.”

share

Share on facebook
Share on twitter