Menu

KICK-OFF CEREMONY SA ABOT NA KABUHAYAN SA KALIKASANG BUHAY MENTORING AND COACHING PROGRAM (BATCH 2)

Pagpalambo sa kapasidad ug pagpa-angat sa kahibalo sa matag Dinagatnon usa sa mga napanglantawan nga programa sa Provincial Government pinaagi sa Provincial Cooperative Development Office / Local Economic Enterprise and Investment Promotion (PCDO/LEEIPO) ug sa padayon pakigtambayayon sa Department of Trade and Industry (DTI) ang subling gilusad niadtong 15 September 2021 ang “Abot na Kabuhayan sa Kalikasang Buhay Mentoring and Coaching Training.”


Tumong sa training nga matabangan ang mga micro, small, and medium enterprises (MSME) o mga gagmay nga negosyante nga mapataas, mapabag-o ug mapalambo sa ilang katakus sa pagpadagan sa negosyo ug mapauswag ang abot sa ilang panginabuhian.


Lakang usab kini sa Provincial Government ug DTI nga mamahimong responsable ang mga negosyante sa ilang matag negosyo nga nagsunod sa insaktong proseso nga adunay pagpakabana sa kinaiyahan ug katilingban. Tinguha usab niini nga matudlo-an ang mga gagmay nga entrepreneurs nga mamahimong epektibo sa pagtabang sa pagmugna ug dugang nga trabaho alang sa katawhan ug padayon nga mabuhi ang lokal nga ekonomiya sa probinsya.


Kini ang ikaduhang higayon nga gipahigayon sa maong pagbansay diin naglangkob sa 10 ka modyul nga adunay 10 ka sesyon nga pagahimuon sulod sa 10 ka adlaw. Pagadumalahan kini ni ASEAN Mentor/ Angelpreneur Victor N. Madlangbayan diin magtudlo sa nagkadaiyang topic sama sa entrepreneurial mind setting, product development and marketing, visual merchandising, costumer relationship, operations management, supply chain, ug basic accounting and finance. Lakip usab ang paghimo sa business plan nga ipresentar sa mga financial institutions ug investors nga adunay posibilidad nga mohatag sa dugang nga capital o funding alang sa expansion o pagsugod sa pagnegosyo.

share

Share on facebook
Share on twitter