Menu

KONSERTO PARA SA KATAWHAN (KAADLAWAN NAN PROBINSYA DAY 1)

Mainiton nga gisugat sa katawhang Dinagatnon si Bayang Barrios ug ang Naliyagan Band alang sa Konserto Para Sa Katawhan pagka gabii atol sa unang adlaw sa selebrasyon sa Provincial Capitol grounds.

Usa ka world music artist ug music producer si Bayang Barrios nga aduna’y dakong adbokasiya sa indigenous peoples’ rights sa tibuok niyang kinabuhi, ug global ambassador alang sa musika sa Manobo ug susamang tribo gikan sa Minadanao. Usa ka Manobo si Bayang. Susama sa atoa, usa usab siya ka Caraganon. Gikan siya sa Bunawan, Agusan del Sur.

Usa sa iyang maayong pagtagad ang “Naliyagan ka,” (buot pasabot sa Manobo “gipili ka, gwapa ka’’), ug mao usab ang pangalan sa talagsaong musical group nga iyang gibuo alang sa pag-perform kauban siya sa iyang mga show. Gilangkuban nila Andrew Barrios sa guitar, Julian Cruz sa bass, Budeths Casinto sa percussions, ug John Paul Bongat sa keyboards, kulintang, gongs ug backing vocals, anaa ni Bayang Barrios ang Nilayagan sa tibuok niyang musical efforts, lakip na ang iyang stint kauban ang supergroup nga Tres Marias, kung diin giubanan siya sa iyang higala nga susama kaniya nga sila Cooky Chua sa Color It Red, ug si Lolita Carbon sa Asin.

Pamilyar na sa atong mga Dinagatnon ang tingog ni Bayang. Ato nang gikanya ang iyang mga kanta adtong niaging Charter Day celebration ug ato na siyang nadungog sa atong Provincial Government radio station, DXPH 98.9 Mystical FM. Pero karon, siya ug ang iyang banda anaa karon alang sa pagduyog kanato sa atong kaadlawan sa atong probinsya. Amo siyang gipasalamatan lakip na ang iyang banda sa pagdawat sa imbitasyon ni Governor Kaka Bag-ao, kung kinsa nga iyang higala ug kauban isip human rights advocate.

Dakong kalipay ang makita sa mga nisaksi sa pakigduyog ni Gov. Kaka kang Bayang sa pagkanta sa usa ka kanta nga dulot sa kasing-kasing sa matag tawo nga naminaw.

Adeser nahuman ang Konserto sa Kawtahan, naghalad ug mahinungdanong kanta si Bayang alang sa tanang Dinagatnon agi’g pasalamat.

share

Share on facebook
Share on twitter