Menu

KPTN NUMBER DISTRIBUTION FOR TUPAD CITIZEN PARTNERS’ PAYOUT

Gipanghatagan na sa ilang KPTN number ang 367 ka citizen partners sa Tulong Panghanapbuhay para sa Displaced/Disadvantaged (TUPAD) workers sa lungsod sa Tubajon nga gi-implementar sa Provincial Government. Gipahigayon kini sa San Roque Gymnasium, Tubajon.


Gipasiugdahan ni Governor Kaka Bag-ao kauban ang Provincial Labor, Employment, and Manpower Office (PLEMO) ug Department of Labor and Employment (DOLE) ang pagtunol sa cash coupon nga aduna’y KPTN number. Makuha sa TUPAD workers ang ilang sweldo nga ilang gitrabahoan sulod sa 10 ka adlaw nila nga pagpanarbaho ngadto sa M. Lhuillier.


Kani nga pondo gikan pa kang Senator Kiko Pangilinan nga nagkantidad ug P 2 million gumikan sa hangyo ni Gov. Kaka nga matabangan ang mga Dinagatnon ilabi na karong panahon nga aduna’y pandemya COVID-19.
Nalipay si Gov. Kaka sa gipakita nga partisipasyon ug kooperasyon sa mga katawhan diin wala nila usiki ang oportunidad nga madungagan ang kita sa ilang tagsa-tagsa ka pamilya.


Aduna usab gipanghatag nga face mask ang Local Government Unit sa Tubajon alang sa mga citizen partners nga nitambong.


Mitambong sa gihimong kalihukan si Board Member Lyn Dialde (District 1) nga kanunay misuporta sa mga programa sa probinsya alang sa kaayuhan sa tanan.

share

Share on facebook
Share on twitter