Menu

LIVELIHOOD BENEFICIARIES ASSOCIATION ORIENTATION

Aduna’y gipahigayon nga pagbansay-bansay sa pipila ka livelihood citizen partners association sa lungsod sa Cagdianao. Tumong niini nga magiyahan ang mga membro sa usa ka asosasyon kung unsaon nila pagdumala ang ilang negosyo nga gustong sugdan nga haom sa ilang mga hilig aron molambo kini ug mamahimong malahutayon.

Usa kini ka programa sa Provincial Government ubos sa pagdumala ni Governor Kaka Bag-ao aron mahatagan ug panginabuhian ang mga kaigsuonang Dinagatnon nga labing nanginahanglan pinaagi sa livelihood assistance.

Gipasabot sa Provincial Social Welfare and Development Office (PSWDO) ang mga angayan nilang buhaton diin ilang gihatagan ug igong duot nga kinahanglan magseryoso kung negosyo na ang pagahisgutan aron nga mo-success kini.
Misugyot usab ang maong buhatan kung kinsa lamang ang pwedeng makatagamtam niini sama sa mga labing apektado sa pandemya sa COVID-19, displaced families ug mga nawad-an ug trabaho gumikan sa COVID-19, kinahanglan aduna’y saktong kahibalo, talento, ug kapasidad sa pagpatigayon sa usa ka livelihood project aron nga molambo kini, ug mga yanong katawhan nga wala’y igo’ng income ug permanenteng trabaho para sustentohan ang panginahanglanon sa ilang pamilya matag adlaw.

Alang sa kasayuran sa tanan, mao kini ang PSWDO hotline number kung aduna’y mga pangutana mahitungod sa mga benepisyo nga gustong ma-avail: 0950 709 3372.

share

Share on facebook
Share on twitter