Menu

PANTAY PLEDGE SIGNING BETWEEN THE LGBTQ+ COMMUNITY AND PROVINCIAL GOVERNMENT OF DINAGAT ISLANDS (KAADLAWAN NAN PROBINSYA DAY 1)

Usa sa mahinungdanon nga bahin sa unang adlaw sa kasaulogan sa Pista sa Dinagat Islands ang Pantay Pledge signing sa lesbian, gay, bisexual, transgender, and queer (LGBTQ+) community ug Provincial Government sa Dinagat Islands.

Usa ang probinsya Dinagat Islands sa pipila ka mga lalawigan nga nagpatuman sa usa ka Anti-Discrimination Ordinance nga nagpanalipod sa mga membro sa komunidad nga LGBTQ+ batok sa pagbastos ug pagdumot. Kini nga lakang gihimo gikan sa kakulangan sa usa ka legal framework nga nagsiguro sa pagtuman sa mga katungod sa mga tanan nga katawhan, regardless sa ilang sexual orientation ug gender identity ug expression (SOGIE).

Sa tulo ka termino sa Kongreso ni Governor Kaka Bag-ao, usa sa iyang dugay na nga giduso aron mapasa ang SOGIE Equality Bill, mao kini ang punoan nga inspirasyon alang sa paghimo sa kaugalingong Anti-Discrimination Ordinance sa probinsya sa Dinagat Islands nga gisulat ug gi-file ni Board Member Noli Abis sa Sangguniang Panlalawigan.

Usa ka lalawigan ang Dinagat Islands nga namugna tungod sa gugma sa katawhan ug ang gugma nanginahanglan nga magtahud ug patas alang sa mga katungod ug dignidad. Kini ang kasing-kasing nga pagdumala ug uban niini ang Provincial Government nga nagserbisyo sa mga katawhan kauban ang Provincial Federated LGBTQ+ Association aron mapalig-on ang pagpasar sa Anti-Discrimination Ordinance.

Karong adlawa, 01 October 2021 gipirmahan nila Governor Kaka Bag-ao ang Pantay Pledge kauban ang mga opisyal sa Provincial Federated LGBTQ+ Association (PROFLA) nga nagrepresentar sa ilang komunidad sa tibuok probinsya. Kini nagpamatuod sa usa ka paglihok nga himuon sa Provincial Government sa pagpanguna ni Gov. Kaka aron mapadali ang resolusyon ug masiguro ang pagkaparehas ug respeto sa Dinagat Islands.

Nakalatad sa PANTAY PLEDGE ang mosunod:

Ang Provincial Government sa Dinagat Islands ug ang PROFLA, nagkahiusa sa pagsiguro nga mapalig-on sa Dinagat Islands ang kultura sa respeto sa tanan nga mga tawo ug dili igsapayan ang SOGIE.

Giila usab niini ang tanang papel sa komunidad sa pakigtambayayong sa paglusad sa pagpanalipod sa dignidad ug patas nga pag-ila sa tawhanong katungod sa probinsya.

Nagkahiusa usab ang tanan sa padayong pagduso sa sistema nga makahimo sa pagdawat, pagrespeto, ug dugang kapasidad sa katawhan ilabi na sa LGBTQ+ community sa Dinagat Islands.

Sa kinatibuk-an, nahimo kini isip usa ka pinakamaayong lakang atol sa bisperas sa ika-15 nga Kaadlawan sa Probinsya sa Dinagat Islands diin nagkab-ot pagkahiusa alang sa mas hayag nga kaugmaon.

Ipakita usab niini ang mosunod nga commitments nga himuon, mao kini ang bunga sa usa ka komprehensibo nga pagkonsulta sa PROFLA ug sa mga membro niini gikan sa 7 ka munisipyo kauban ang mga trabahante sa LGBTQ+ sa Provincial Capitol nga gidumalahan sa Provincial Government sa Dinagat Islands kaniadtong 24 September 2021:

  1. Ang pagrepaso ug pagpatuman sa Dinagat Islands Anti-Discrimination Ordinance o Provincial Ordinance No. BBE2-007;
  2. Pag-apil sa mga Municipal Local Government Units sa nga mosagop ug mapatuman ang ilang tagsa-tagsa nga bersyon sa Dinagat Islands Anti-Discrimination Ordinance;
  3. Paghimo ug tukmang aksyon sa pagpatuman sa Republic Act No. 11313 o ang Safe Spaces Act co-authored by Governor Kaka Bag-ao kaniadtong siya pa ang Representante sa Dinagat Islands;
  4. Pag-ila sa mga nahimong kongkreto nga mga interbensyon pinaagi sa Provincial School Board aron matudloan ang mga magtutudlo ug ginikanan sa mga nahibal-an nga may kalabutan sa Dinagat Islands Anti-Discrimination Ordinance ug Republic Act No. 10627 o ang Anti-Bullying Act;
  5. Pag-ila sa posibleng kongkreto nga mga interbensyon pinaagi sa Provincial Peace and Order Council (PPOC) aron masiguro ang gender sensitivity ug respeto alang sa diverse SOGIE sa mga nagpatuman sa balaod;
  6. Hingpit nga pagpatuman sa Seksyon 5.3 sa Dinagat Islands Anti-Discrimination Ordinance aron masiguro ang gender inclusive lavatories o mga pampublikong banyo sa Provincial Capitol aron maghatagan ug panig-ingnan sa tanang MLGU ug private establishments;
  7. Mag-isyu ug usa ka Executive Order aron maila ug tugotan ang paggamit sa affirmed o preferred names sa mga transgender person imbis nga ilang ngalan sa pagkatawo o given name aron maila ang ilang kaugalingon sa gihatagan sa permitted documents sama sa correspondences, notices, ug identification cards;
  8. Mag-isyu ug usa ka Executive Order nga nagmando sa public offices nga sundon ang usa ka “ASK POLICY” kung diin kinahanglan una nilang pangutan-on ang mga tawo kung unsa ang ilang affirmed o preferred names, honorifics, ang pronouns adeser sila tawagon sa correspondences, minutes of meetings, ug uban pang permitted documents; ug
  9. Mag-isyu sa usa ka Executive Order nga nag-usab sa tradisyonal nga dress code sa Provincial Capitol nga tugotan ang mga transgender nga magsuot sumala sa ilang gender identity and expression.

Gipirmahan kini nga Pantay Pledge isip usa ka pagpamatuod sa pasalig nga himuon kini nga mga kasabutan sa diwa sa pagrespeto sa pagkalain-lain ug pagkaparehas nga gipangunahan ni Gov. Kaka kauban sila Board Members Lyn Dialde (District 1), Noli Abis (District 2), ug Absalon Colandog (Philippine Councilors League), PROFLA Officials nga gipangulohan nila Internal President Sofiah Mantillas ug External President Reyland “Nitch Superior” Tomarong karong adlawa, 01 October 2021, sa Provincial Capitol.

share

Share on facebook
Share on twitter