Menu

PROPOSED DESIGN LAUNCHING OF THE KALIKASANG BUHAY MINI RIVER PARK PROJECT

Daling nahatagan ug katumanan tungod sa hiniusang paglihok sa katawhan nga lumulupyo sa Purok 1, Barangay Cuarinta, San Jose alang sa bag-o niining napatuman nga proyekto nga nagsugod lamang sa usa ka hangyo pinaagi sa sulat kamot nga gipadala nila ngadto sa buhatan ni Governor Kaka Bag-ao. Mahinumduman niadtong 27 August 2021, personal nga gisusi ug nakasabot ni Gov. Kaka ang mga residente ug barangay opisyal sa Barangay Cuarinta alang sa pagtubag sa hangyo niini nga kanal diin nagresulta sa mas lapad nga proyekto alang sa kalambuan sa ilang dapit.


Hingpit nga napatigayon ang mga naasoy nga kasabutan diin pormal nga gi-turnover sa Provincial Government ang maong proyekto ug gipakita usab ngadto kanila ang proposed design sa mamahimong kinatibuk-ang output o itsura sa gitawag nga Kalikasang Buhay Mini River Park.


Tumong sa maong proyekto nga maprotektaran ang naasoy nga tinubdan sa ilang katubigan ug atabay, diin nagtinguha kini sa malahutayong pagprotihir sa mga kakahoyan nga nakapalibot niini.


Katuyoan usab sa proyekto nga makamugna ug dugang panginabuhian alang sa mga katawhan diin nagpamatuod lamang nga tukma ang paghatag ug tubag sa mga panginahanglanon sa katawhan nga katimbangyayong sa padayong pagkab-ot sa kalambuan sa probinsya sa Dinagat Islands.


Kauban ni Gov. Kaka ang mga hepe ug personahe sa mga buhatan sa Kapitolyo nga aduna’y dakong kalambigitan sa pagpatigayon sa naasoy nga proyekto. Anaa usab ang suporta nila Board Member Noli B. Abis (District 2) ug Lyn Dialde (District 1), ug mga kawani sa Department of Environment and Natural Resources (DENR).

share

Share on facebook
Share on twitter