Menu

PROVISION OF SUPPLEMENTAL FEEDING FOR LEARNERS WITH SPECIAL NEEDS IN CAGDIANAO MUNICIPALITY

Padayon ang Provision of Supplemental Feeding gikan sa Provincial Government pinaagi sa Provincial Social Welfare Office (PSWDO) alang sa Learners nga aduna’y Special Needs (LSNEs) sa lungsod sa Cagdianao nga aduna’y tulunghaan para sa mga LSNEs.

Mikabat sa 12 kabuok ang giila mga LSNEs sa lungsod sa Cagdianao. Unom (6) niini ang gikan sa Cagdianao Central Elementary School ug unom (6) usab sa R.E. Ecleo Sr. Central Elementary School nga mao’y hatagan sa mga grocery items sama sa gatas, milo, itlog, bugas, biscuits, monggo, asukal, ug sardinas.

Dakong kalipay ang gibati sa mga ginikanan ug usab sa mga magtutudlo nga naa’y susama niini nga programa alang sa ilang mga estudyante diin wala sila magdahom sa grasya nga gihatod mismo sa tugkaran sa ilang tulunghaan.

Usa ka programa sa Provincial Government nga gipanguluhan ni Governor Kaka Bag-ao ang Provision of Supplemental Feeding alang sa LSNEs sa tibuok probinsya. Mahinumduman nga sukad sa iyang paglingkod, ubay-ubay ang mga programa nga iyang gipatuman ilabi na sa vulnerable sectors ug usa na niini ang mga aduna’y kabilinggan sa panglawas o person’s with disability (PWD).

share

Share on facebook
Share on twitter