Menu

SMCC TRAINING AND ACTUAL MAKING OF FISH KROOPEK AND FISH POLVORON PROCESSING

Pagsuporta, pagtabang, ug pagpalambo sa mga people’s organization (POs) ang usa sa mga prayoridad ni Governor Kaka Bag-ao sa iyang Administrasyon karon nga haom usab sa iyang vision ug fundamentals of governance alang sa maayo ug tiunay nga kalambuan sa Probinsya sa Dinagat Islands.

Usa ang Sidlak Magsaysay Consumers Cooperative (SMCC) sa mga POs nga naa nahimotang sa Barangay Magsaysay, Libjo ang gihatagan ug pagtagad karon sa Provincial Government ubos sa pagdumala ni Gov. Kaka pinaagi sa Office of the Provincial Agriculturist (OPAG) sa pakigtimbayayong sa Department of Agricuture – Bureau of Fisheries and Aquatic Resources (DA-BFAR) Caraga, Department of Trade and Industry (DTI), ug Sangguniang Bayan sa Libjo sa pagpangulo ni Vice Mayor Zoltan Edera.

Niadtong 03 September 2021, gisugdan ang tulo (3) kaadlaw nga hands-on training on fish processing, packaging, and labeling alang sa naasoy nga POs sa Lutas Beach, Barangay Magsaysay, Libjo. Gipasabot sa duha ka resource speaker gikan sa DA-BFAR Caraga nga si Fisheries Post-Harvest and Marketing Section Staff Maricel J. Maturan ang general fish handling principle, good manufacturing practices (GMP), ug different methods of fish processing.

Gisugyot usab ni Community Development Officer Paterno B. Silla, Jr. isip ikaduhang speaker ang mahitungod sa sanitation standard operating procedures (SSOP) ug lakip na niini kung unsay kalainan sa cleaning ug sanitizing, ug ang proper personal hygiene kung unsa kini ka importante aron ilang ma-apply sa ilang pag-sugod sa ilang negosyo.

Sa laing bahin, aktwal usab nga gitudluan ang SMCC kung unsaon paghimo ug fish polvoron ug fish kropek pagkahapon sa ilang unang adlaw sa training kung diin dako ilang kalipay sa ilang nakitang output.

2ND DAY OF SMCC TRAINING AND ACTUAL MAKING OF SARDINES AND DRIED FISH

Basi sa proposal project ug gihangyo nga dugang negosyo sa Sidlak Magsaysay Consumers Cooperative (SMCC) ngadto kay Governor Kaka Bag-ao ang paghimo ug sardinas, tungod kay mao kini ang nakita nga potensyal nga negosyo isip ilang barangay napalibotan ug dagat ug ang halos panginabuhian sa mga lumulupyo mao ang pagpanagat. Wala magdugay, natuman gayud ang ilang gihangyo ug ila kining gikalipay alang sa pagpalambo sa ilang barangay ug mga katawahan.

Sa ilang ika-2 kaadlaw nga hands-on training on fish processing, packaging and labeling, aktwal silang naghimo ug sardinas pinaagi sa pagtudlo sa duha ka personahe gikan sa Bureau of Fisheries and Aquatic Resources (BFAR) Caraga.

Duha ka klase sa isda ang ilang gamiton alang sa pagghimo sa sardinas ug mao kini ang isdang tamban ug tamarong. Duha usab ka klase nga sardinas ang ilang giluto nga mamahimo nilang finished product nga sardines in corn oil ug sardines in tomato sauce.

Sa laing bahin, di lang sardinas ang ilang nakat-onan kundi lakip na niini ang paghimo ug bulad

3RD DAY OF SMCC TRAINING AND ACTUAL MAKING OF SARDINES AND DRIED FISH

Alang sa ika-3 ug katapusang adlaw sa Sidlak Magsaysay Consumers Cooperative (SMCC) hands-on training on fish processing and labeling, gipasabot ni Negosyo Center Business Counselor Janine T. Ferolino sa Department of Trade and Industry (DTI) kung unsa ang costing sa kung pila ang magasto sa ilang produkto o capital ug pricing o presyo kung kini ilaha nang ibaligya aron dili sila malugi ug daling makaginansya.

Sa dugang, gihatagan usab sila ug ideya kabahin sa packaging o sudlanan sa ilang finished products ug ang pinaka importante ang labeling kung unsa’y maayo para ma-inganyo ang mga mamalitay ug kung unsa ang mga ibutang sa label.

Matud pa ni SMCC Chairman Pancho B. Taypa, dako kayo iyang kalipay kung diin ang ilang gipangandoy nga dugang negosyo natuman dayon agi’g paningkamot ug pakigtimbayayong sa Provincial Government nga gipangunahan ni Governor Kaka Bag-ao ug mga ka-partner nga ahensya sama sa Bureau of Fisheries and Aquatic Resources (BFAR), DTI, ug Libjo Vice Mayor Zoltan Edera.

Dugang pa niya, sa ilang tulo (3) kaadlaw nga training daghan kayo sila’g nakat-onan ug ila kining tarungon pagdala hangt0d maila ang ilang mga produkto sa tibuok Pilipinas puhon ug sa pagkakaron makadisplay sila sa Libjo Tabo ug Tabo sa Kapitolyo.

Sa katapusan, nakadawat ang mga membro sa SMCC nga nag-attend sa training ug certificate isip award sa ilang malampuson nga training lakip na ang mga resource speakers.

share

Share on facebook
Share on twitter