Menu

SP HUMAN RIGHTS COMMITTEE MEETING ON PROHIBITING THE PAWNING OF 4Ps CASH CARDS

Nagpatawag ug meeting sa Sangguniang Panlalawigan Committee on Human Rights si Board Member Noli Abis (District 2) isip Chairperson niini aron hisgutan ang pagbawal sa pagprenda sa mga Pantawid Pamilyang Pilipino Program (4Ps) cash card ngadto sa mga empleyado sa gobyerno o pribado nga indibidwal. Diin kini nga problema dugay nang gisagubang sa mga taga-Department of Social Welfare and Development (DSWD) tungod kay sagad sa ilang mga benipisyaryo sa 4Ps adunay nahitabo nga pagprenda sa cash card aron gamiton sa pag-utang.

Gisaysay sa mga DSWD Municipal Links diin sila maoy nagdala ug nag-monitor sa mga benipisyaryo sa 4Ps nga aduna na silay mga nasakpan ug ilang nautabang na indibidwal nga ning dawat ug cash card maoy gihimong collateral aron makautang, bisan paman nasakpan na gibuhat pa gihapon kini pag-utro ug diin usab ila na kining gipasaka na sa Mayor ug giingnan nga sundon lang provincial ordinance kay aduna namay balaod kabahin niini.

Diin nga ang mga Municipal Links nangayo ug tabang sa Provincial Government aron matubag ang maong problema ug unsay angay na lakang niini.Sigon pa ni BM Abis, tinuod nga anaa ang maong ordinansa ug nakalatid na diri ang mga probisyon ug uban pang silot sa mga masakpan na indibidwal, apan isip Chairperson sa Committee on Human Rights ug advocate importante na madungog usab ang mga sentimyento sa mga tawo nga nidawat sa maong cash card aron patas ang paghukom niini. Gihangyo usab niya ang mga 4Ps parent leader nga anaa usab sa meeting na dili gamiton ang cash card na collateral sa pag-utang.

Gitambungan ang maong meeting nila ex officio Board Member Absalon Colandog (Philippine Councilors League), Board Member Lyn Dialde (District 1), Provincial Treasurer Jetjet Albores, Provincial Planning and Development Office (PPDO), Philippine National Police (PNP), Municipal Social Welfare and Development Officers (MSWDOs) sa pito ka lungsod, DSWD Municipal Links, ug 4Ps parent leaders.

share

Share on facebook
Share on twitter