Menu

TUPAD ORIENTATION IN THE MUNICIPALITY OF CAGDIANAO

Mitambong ang 55 ka mga citizens partner nga nagagikan sa managlahing barangay sa lungsod sa Cagdianao sa gipahigayon nga orientation sa programang Tulong Panghanapbuhay sa Disadvantaged / Displaced (TUPAD) workers.

Kabahin kini sa ika-3 nga implementation sa programa sa TUPAD nga gidumalahan sa Provincial Government pinaagi sa pagpaningkamot ni Governor Kaka Bag-ao ug pakig-alayon niini sa kaulohan aron magahinan ug pondo ang katawhan sa Dinagat Islands.

Usa sa katimbang ni Gov. Kaka si Senator Kiko Pangilinan nga naghatag ug pondo alang sa alternatibong panginabuhian sa mga dinagatnon nga nanginahanglan ug trabaho ilabi ngadto sa mga informal sectors nga labing apektado tungod sa krisis sa COVID-19 pandemic.

Gipasabot sa Provincial Labor, Employment, and Manpower Office (PLEMO) ug Department of Labor and Employment (DOLE) ngadto sa mga aplikante kung unsa ang programang TUPAD ug ang komplitong detalye sa proseso ug kondisyon sa ilang trabaho.

Malipayong mipirma ang mga citizen partners sa ilang kontrata ug nidawat sa ilang identification card nga nagpamatuod sa ilang pagpang-empleyo isip TUPAD workers nga magtrabaho sa 15 ka adlaw nga adunay 320 nga sweldo sulod sa 4 ka oras sa matag adlaw.

share

Share on facebook
Share on twitter