Menu

TUPAD ORIENTATION IN THE MUNICIPALITY OF LORETO

Gisugdan sa lungsod sa Loreto ang 3rd implementation sa programang Tulong Panghanapbuhay sa Disadvantaged / Displaced (TUPAD) Workers sa Provincial Government pinaagi sa pagpaningkamot ni Governor Kaka Bag-ao.

Tungod sa dakong pagsalig ni Senator Kiko Pangilinan kang Gov. Kaka nga kanunay nagpaluyo sa mga Dinagatnon nga mahatagan ug katumanan ang ilang mga yangungo, gihatagan ug pondo ang Provincial Government aron mahatagan ug panginabuhian ang pipila ka mga citizen partners ilabi na karon nga lisod ang pagpangita ug trabaho gumikan sa pandemya COVID-19. Napahigayon kini pinaagi sa buhatan sa Provincial Labor, Employment, and Manpower Office (PLEMO).

Mikabat sa 50 ka citizen partners ang nakapahimulos sa lungsod sa Loreto. Malipayon sila nga aduna na sila’y dugang panginabuhian sulod sa 15 ka adlaw. Usa sa ilang rason nganong niapil sila niini nga programa tungod kay kulang ang ilang kapanguhaan ug kita alang sa tagsa-tagsa nila nga pamilya.

Gipasabot sa Department of Labor and Employment (DOLE) ang mga partisipante kung unsa ang programang TUPAD ug nganong sila ang napili niini. Gawas niana, gipapirma usab ang mga citizen partners sa ilang kontrata nga nagpamatuod sa ilang pagpang-empleyo isip TUPAD workers sa Provincial Government.

Mitambong si ex officio Board Member Absalon Colandog (Philippine Councilors League) nga mipadangat sa iyang madasigon nga mensahe alang sa mga Loretohanon.

share

Share on facebook
Share on twitter