Menu

TUPAD ORIENTATION IN THE MUNICIPALITY OF SAN JOSE

Padayon nga gipahigayon ang orientation sa programang Tulong Panghanapbuhay sa Disadvantaged / Displaced (TUPAD) Workers sa ika-3 nga implementation niini nga gidumalahan sa Provincial Government sa Dinagat Islands.

Kini nahimong posible tungod sa pagpaningkamot ni Governor Kaka Bag-ao pinaagi sa pakig-alayon niini sa kaulohan aron maka source out ug fund. Usa si Senator Kiko Pangilinan ang nagahin ug pondo karon nga higayon diin katimbang sa paghatag ug alternatibong panginabuhian sa katawhan nga nanginahanglan ug trabaho ilabi na sa panahon nga padayong gisagubang ang krisis sa COVID-19 pandemic.

Mikabat sa 108 ka citizens partner ang napili sa lungsod sa San Jose diin nagpakita sa ilang kadasig nga manarbaho sa 15 ka adlaw nga adunay 320 nga sweldo sulod sa 4 ka oras sa matag adlaw.

Mipirma usab ang mga citizen partners sa ilang kontrata ug nidawat sa ilang identification card nga nagpamatuod sa ilang pagpang-empleyo isip TUPAD workers sa Provincial Government.

Napahigayon kini pinaagi sa panag-uban sa buhatan sa Provincial Labor, Employment, and Manpower Office (PLEMO) ug Department of Labor and Employment (DOLE) nga nagpasabot ngadto sa mga partisipante kung unsa ang programang TUPAD ug ang detalye sa proseso ug kondisyon sa ilang trabaho ilabi na sa security and safety, do’s and don’ts, ug uban pang importanteng mga kasayuran nga may kalabutan sa programa.

Misaksi sa kalihukan sila San Jose Public Employment Services Office (PESO) Manager Myrlinda J. Navarrette ug Cuarinta Barangay Captain Romeo Lico.

share

Share on facebook
Share on twitter