Menu

TUPAD ORIENTATION IN THE MUNICIPALITY OF TUBAJON

Gipadayon ang orientation sa Tulong Panghanapbuhay sa Disadvantaged / Displaced (TUPAD) workers sa Provincial Government ilalom sa pagdumala ni Governor Kaka Bag-ao sa lungsod sa Tubajon pagkahuman niini sa Loreto Municipality.

Kini nga ika-3 nga implementasyon sa TUPAD sa Provincial Government, gipondohan ni Senator Kiko Pangilinan gumikan sa hangyo ni Governor Kaka Bag-ao nga aduna’y dakong kasibot sa pagtabang sa mga katawhan ilabi na nga naglisod ang kadaghanan sa pagpangita ug trabaho tungod sa pandemya COVID-19.

Mikabat sa napulo ka mga citizen partners ang swerte nga napili nga motrabaho niini base sa TUPAD guidelines nga gipatuman sa Department of Labor and Employment (DOLE). Giusa-usa ug pasabot sa naasoy nga buhatan ang mga angayang sundon lakip na ang documentation nga ilang buhaton sulod sa 15 ka adlaw nga ilang pagpanarbaho.
Pagkahuman sa hingpit nga pagbansay-bansay, gipapirma ang mga TUPAD workers sa ilang kontrata isip pamatuod sa ilang pagpanarbaho.

Malipayon si Kapitan Almie Recla sa barangay Malinao nga bisan sa kalayo sa ilang barangay, wala sila pasagdi sa probinsya ilabi na sa mga programa nga gipadangat ngadto kanila.

share

Share on facebook
Share on twitter