Menu

TURNOVER CEREMONY OF ROAD CONCRETING PROJECT IN BARANGAY CUARINTA, SAN JOSE

Gisugdan sa usa ka blessing ug ribbon cutting ang seremonya sa pormal nga pag-turnover sa Provincial Government ngadto sa mga katawhan sa Purok 1, Barangay Cuarinta, San Jose ang kalampusan sa road concreting leading to the nursery of endemic tree production.


Namugna kini nga proyekto aron mapaayo ug mapadali ang pag-access ug paglihok sa mga barangayanon sa managsama nga sukaranan sa pagdumala labi na sa pagtipig sa kinaiyahan ug seguridad sa pagkaon ilabi na sa panahon nga gisagubang ang krisis dala sa COVID-19.


Paninguha usab niini nga masuportahan ug makab-ot ang pagkamabungahon nga abot sa nagkadaiyang sektor ug mapanalipdan ang mga huyang nga komunidad. Lakip sa tumong niini ang mapalapdan ug mapalig-on ang mga lugar alang sa pag-apil sa mga tawo sa tanan nga lebel sa pagdumala sa pang-gobyerno.


Nikabat kini sa P 3,997,540.97 nga nag-gikan sa panudlanan nga 20% PDF CY 2020 infrastructure project sa Provincial Government nga gipanag-iya sa katawhan. Daling napahuman ang proyekto pinaagi sa hiniusang panglantaw sa lumulupyo alang sa kinatibuk-ang kalambuan sa komunidad.


Personal nga mitambong sa pagpatigayon si Governor Kaka Bag-ao kauban sila Board Member Noli Abis (District 2), Lyn Dialde (District 1), mga hepe ug personahe sa nagkadaiyang buhatan sa Kapitolyo ug mga kawani sa Department of Environment and Natural Resources (DENR).


Anaa usab ang presensya sa mga opisyal sa Barangay Cuarinta lakip na ang pipila ka mga residente nga misaksi sa kalihukan.

share

Share on facebook
Share on twitter