Menu

TURNOVER CEREMONY OF THE PROVINCIAL GOVERNANCE CENTER

Pormal nga gi-turnover ang improvement sa Provincial Government ang Provincial Governance Center ngadto kang Governor Kaka Bag-ao nga nahimutang sa Barangay Cuarinta, San Jose.


“Gitawag kini nga governance center tungod kay diri nagsugod o nanukad ang mga programa sa Kapitolyo, naghatag usab kini ug inspirasyon sa tanan nga makayang panindoton o ma-improve ang mga building o offices kung aduna’y paningkamot ug panaghiusa,” matod pa sa opening message ni Provincial Administrator Aimee Jimeno.


Sigon kang Department of the Interior and Local Government (DILG) Provincial Director Dominggo Bulabog, dako iyang pasalamat nga nagkatimbayayong ang DILG ug Provincial Government kaniadtong namuno pa si former Governor Glenda Ecleo, ingon usab siya nga kini ang pinakaunang gi-award sa performance challenge fund niadtong 2016 diin gisundan kini sa pagdumala ni Gov. Kaka nga nadugangan ang budget alang sa pag-improve o pag-utilize aron magamit na ang building.


Base sa gipadayag ni Gov. Kaka bahin sa Provincial Governance Center, ang iyang pagtan-aw mas daghan ang tawo nga mobisita kumpara sa empleyado aron dili mahilayo sa katawhan kung aduna’y mga problema nga gusto nila ipaabot aron masulbad kini sa daling panahon.


Gitambungan kini nila Board Member Noli Abis (District 2), Lyn Dialde (District 1), ug mga personahe sa Provincial Government offices ug DILG.

share

Share on facebook
Share on twitter