Surigao City – Nakigkita kang Dinagat Islands Governor Nilo P. Demerey Jr. ang laing upat ka mga South Korean investors nga aduna’y dakong interes sa pagmontar og planta nga mo proseso sa nickel, konsiderasyon kini sa gitutukan nga economic zone sa probinsya ilalom sa kasamtangan nga administrasyon.
Sila Charlie Wee, Chong Jun Yang, Song Yun Chol ug Kim Yong Chan, mga kadagkuan sa nagkadaiyang prestiheyosong mga kompanya sa South Korea ang nakigpulong sa gobernador. Sumala ni Governor Demerey nga ang maong panagtigum anaa pa sa pagplano sa mga angayang plastaron alang sa katumanan sa ilang interes nga mutabang sa pagpalambo sa ekonomiya sa probinsya. Gidugang pa sa opisyal nga kung magkasinabot ang parehong partido, dako usab ang mamahimong tabang niini sa natad sa panarbaho alang sa mga Dinagatnon nga posibileng magkinahanglan sa 10 mil ngadto 20 mil ka mga trabahante.
Gipanglantawan ni Governor Demerey ang posibilidad sa pag-uswag sa turismo sa probinsya tungod niini nga mga investor. Hinuon, giklaro sa gobernador nga makuti ang proseso nga pagahimoun adiser sila tugutan nga makapabarug og mga proyekto sa Dinagat Islands. Nag-una na niini, matud pa, ang pagsiguro nga dili maabuso ang kinaiyahan og maprotektahan ang mga maanindot nga lugar sa isla. Pinaagi niini nga kulokabildo, nakita usab ni Gov. Demerey ang dakong tyansa sa mga skilled Dinagatnons nga makatrabaho sa South Korea sama sa mga pintor, welder, og uban pa tungod kay lakip sa mga tinguha niini nga mga inbestor, mao ang pagpatukod sa tunghaan isip training center sa mga Dinagatnon nga buot makat-on sa mga trabahong gikinahanglan sa nahisgutang nasud.
(
Jimmy S. Jara)
Jimmy S. Jara)
