Menu

WATER SAMPLING IN SITIO MANOLIGAO

Aron mahibal-an kung luwas bang imnon ug gamiton ang tubig sa propose new water source nga nahimutang sa Matin-ao River, Sitio Manoligao, Del Pilar, Cagdianao. Ang Provincial Government sa Dinagat Islands nagpahigayon ug water sampling sa mga tinubdan niini para mapadala kani sa Caraga Regional Hospital alang sa bacteriological test ug physico-chemical test sa San Francisco Water District.

Katuyoan niini nga masiguro ang siguridad sa komunidad sa luwas nga pagamit sa tubig ug hugot nga masunod ang nakaset nga standard ug parameters nga unang gikinahanglan sa pagmugna ug water system.

Lakang usab kini sa padayong pagkab-ot sa katumanan sa gipagawas nga Executive Order No. 01 ni Governor Kaka Bag-ao entitled “An Order Creating the Water Resources Management Council in the Province of Dinagat Islands. Tinguha niini nga mahatagan ug kasulbaran ang kanihit ug krisis sa tubig nga nasinati sa probinsya ug malahutayong masolusyonan ang nagkataas nga panginahanglanon sa tubig sa intero komunidad.

Nanguna sa pagpahigayon sa naasoy nga aktibidad ang pipila ka mga personahe sa Provincial Health Office (PHO) ug Provincial Planning and Development Office (PPDO) nga gipaluyohan sa Provincial Environment and Natural Resources Office (PENRO-LGU), Provincial Engineering Office (PEO), Provincial Disaster Risk Reduction and Management Office (PDRRMO), Provincial Community Affairs Office (PCAO), ug Provincial Information Office (PIO). Anaa usab ang suporta sa Department of Environment and Natural Resources (DENR), Philippine National Police (PNP), ug Bureau Fire Protection (BFP).

share

Share on facebook
Share on twitter