SANJOSE- Personal nga gipangunahan ni Presidente Ferdinand Bongbong Marcos Jr., ang pag apod-apod sa usa ka libo ka sako sa bugas ngadto sa mga giilang benipisyaryo niini kinsang listahan gikan sa Department of Social Welfare and Development o DSWD.
Sagad sa mga nakadawat niini nga ayuda ang mga giilang membro 4PS. Atol sa iyang pakigpulong, gipanawagan sa presidente ang tanang ahensya sa gobyerno nga makigtambayayong sa iyang administrasyon aron masapon ang mga sindikato nga nagpaluyo niining paspas nga pagsaka sa presyo sa bugas dinhi sa Pilipinas.
Sila Governor Nilo P. Demerey Jr., Vice Governor Benglen B. Ecleo, Congressman Alan Uno Ecleo, mga sakop sa Sangguniang panlalawigan mga mayoris uban ang mga local nga opisyal sa matag lungsod lakip ang nagkadaiyang mga ahensya ang misugat sa presidente.
Ang gipang-apod apod nga bugas ngadto sa mga benepisyaryo kabahin sa nasapon sa mga tinugyanan sa Bureau of Customs nga illegal nga gipalusot o smuggled rice didto sa Zamboanga City.
Kampanti ang presidente nga sa dili madugay mubalik na sa normal ang presyo sa bugas, kini kung ugaling wala nay madakpan ang gobyerno nga mga sindikato nga nagmaniubra sa ilegal nga pagpasulod sa mga imported og smuggled nga bugas dinhi sa nasud.
(
Jimmy S. Jara/
Wrights Casiano)
Jimmy S. Jara/Wrights Casiano)
