Malampusong gipahigayon kagahapong adlawa sa Provincial Government of Dinagat Islands ilawom sa pagdumala ni Provincial Governor Nilo P. Demerey Jr., pinaagi sa representante niini nga si Security Officer IV/LCE Authorized Representative Nilo Marco M. Demerey, ang Turnover Ceremony of Handwashing Facility didto sa Capitol ground, Cuarenta, Sanjose.
Aduna’y 23 ka Handwashing Facility ang formal nga gi-turnover sa duha ka district school diri sa probinsya nga mao ang distrito sa Loreto ug Sanjose diin malipayong gidawat ug gipermahan ni DEPED Dinagat Islands Assistant School Superintendent Segundino A. Madjos Jr., ang Certificate of Turnover and Acceptance.
Mapasalamaton ug dako si Asst. School Superintendent Segundino A. Madjos Jr., diin matud pa niini nga dakong tabang kini ilabi kay ang seguridad ug kahimtang sa panglawas sa mga estudyante ang ilang prayoridad.
Presentar usab sa maong seremonya ang presensya sa mga Schools Representative gikan sa managlahing tunghaan sa lungsod sa Sanjose ug Loreto. Representative from Provincial Engineering Office, Engr. Nhorlyn Silvano, Infa Designate Concordio Desamparado, PT-II Loreto District OIC Sacarias O. Sayson, EPS Gregorio Dumangas ug PSDS Sanjose District Vivian Alicante.
