Province of Dinagat Islands | Philippine Tourist Spots

GOV.PH

Search

Republic of the Philippines

Province of Dinagat Islands

Province in the Caraga Region of the Philippines

Philippine Standard Time:

: :

Catherine Tomines

Avatar

PAGHANDUM SA IKA-80 NGA KASUMARAN SA BATTLE OF SURIGAO STRAIT

Leave a Comment / News / By

PIO DINAGAT ISLANDS – Niadtong Octubre 25, 2024, atong gihinumduman ang kritikal nga gyera sa dagat nga nahitabo niadtong kadlawon sa Oktubre 25, 1944, diin ang mga pwersa sa Australia ug Amerikano naglunsad og usa ka taktika sa pag-atake batok sa pwersang Hapon, nga naggamit sa mga taktikal nga maniobra nga nag-usab sa dagan sa kasaysayan.   Niadtong Oktubre 25, 2025, aron sa  paghandum sa kalampusan ug paghatag pasidungog sa bayanihong sakripisyo sa mga nakig-away sa makasaysayanong gubat sa kadagatan, malampuson nga gipahigayon ang ika-80 nga Commemoration sa Battle of Surigao Strait, didto sa Provincial Operation Center, Brgy. Sta. Cruz, San Jose, sakop ning Probinsya. “The Battle of Surigao Strait reminds us of the heavy toll of war. Around 4,000 Japanese, 39 Americans and 92 Australian sailors perished that day. As we remember this profound loss, let’s reflect on the words of retired Australian Navy Royal Admiral Guy Richmond Griffiths: “War is a dreadful part of civilization.” Our path to lasting peace lies in understanding and building strong relationship among nations.”, ingon pa ni Provincial Governor Nilo P. Demerey, Jr., MPM atol sa fellowship message niini. Ang paghandum aduna’y tema nga ‘Immortalizing Heroism’ diin nagsugod sa usa ka pamukas nga pakigpulong ni Bise Gobernador Benglen B. Ecleo, gisundan sa usa ka mensahe sa panaghiusa gikan ni Gobernador Nilo P. Demerey Jr., MPM, Solidarity Messages gikan kang Deputy Chief of Mission, Embassy of Japan in the Philippines Minister Matsuda Kenichi, ug Australian Ambassador to the Philippines Her Excellency Hae Kyong Yu, PSM, ug ang paghatag og Event Memento (Memorabilia) ngadto sa mga dignitaries. Highlight sa maong kalihokan mao ang Battle of Surigao Strait In-Land and Kabilin Tour sa mga Dignitaries gikan Australia ug Japan, kauban ang mga Sangguniang Panlalawigan Member ug Department Heads didto sa IJN Yamashiro Inspired Building, People’s Hall, Brgy. Cuarinta, San Jose, diin ang maong building nagsilbi nga usa ka testamento sa kamahinungdanon sa pagpreserbar sa panumduman sa gubat ug pagsiguro nga ang epekto niini ipasa sa umaabot nga mga henerasyon, usab ang pagpahigayon sa Wreath-Laying Ceremony sa kadagatan isip halad ngadto sa mga nangamatay atol sa gyera. Ang makasaysayong adlaw sa ika-80 nga Commemoration sa Battle of Surigao Strait gitambungan sa Joint Australian Training Team nga sila Capt. Emma Mcdonald-Kerr, RAN, Maj. Michael Cracknell, SBLT Benjamin Anderson, Sgt. Patrick Black, Capt. Timothy Reid, Mr. Shannon Lester Paraico, Guest all the way from Australia nga mao sila Mr. and Mrs. Rob Nicholls, Mr. and Mrs. Ken Orr, Mr. Mark Peterson ug Ms. Bridget Peterson, Retired Captain Takeshi Ishida, Ms. Naoko Ando, Acting Commander Naval Forces Eastern Mindanao Philippine Navy Captain Junji B. Taboada, Sangguniang Panlalawigan Members gikan Distrito 1 ug Distrito 2, National Line Agencies Provincial Directors, Chief of Staff to the Governor Atty. Niel Edward M. Demerey, Executive Assistant IV Marichu M. Demerey, ug PTCO Officer Benlen Navas. Ang paghandum sa ika-80 nga Gubat sa Surigao Strait naghiusa sa lain-laing mga henerasyon, nagsilsil sa garbo ug nagsiguro nga ang kaisog ug kaisog sa mga nalambigit magpabilin hangtod sa hangtod sa atong kolektibong panumduman. Gov. Demerey: ‘As we honor our past, let’s also commit to a future built on cooperation, respect, and compassion. The sacrifices of those who came before us inspire us to strive for a fairer and more equitable society for all Dinagatnons. Let’s embrace our differences, respect each other’s beliefs, and strengthen the bonds that unite us. We are honoured that this occasion has provided us more opportunities to share and talk more on the development of the island’.

SOPA HIGHLIGHT: REMEDY SA MEDIKAL, MAAYONG KAHIMTANG, KATIGULANGAN, PWD’s ug EDUKASYON

Leave a Comment / News / By

REMEDY SA MEDIKAL UG MAAYONG KAHIMTANG   Sa administrasyon ni Governor Nilo P. Demerey, Jr., GSC, MPM, ang paghatag og Social Services o serbisyo alang sa anaa sa kalisud maoy numero unong prayoridad. Sa Health Sector libre na ang Medical Services. Zero Billing Policy, walay bayad.  Pwede na magpa-Ultrasound, X-Ray, ug uban pang Medical Services nga walay bayad. Na-serbisyohan ang 9,530 ka mga pasyente ug 45 milyones ka pesos (Php 45,000,000.00) ang pundo nga nahatag para sa Zero Billing Policy. Nahuman na ang 2 Storey Medical Building sa Dinagat District Hospital (DDH) amounting to Php 17,000,000.00 plus Php 20,000,000.00 nga dugang pundo para sa medical equipments. Padayon ang paghatag og Medical Missions sa mga bata, kababaihan ug senior citizens, gamit ang Mobile Primary Healthcare Vehicle nga bag-o lang gihatag ni President Ferdinand ‘Bongbong’ Marcos sa probinsya pinaagi sa Department of Health. Sugod 2025, ang Honorarium sa Provincial Government ngadto sa 930 BHW’s, mo-increase na ngadto sa Php 700.00 to Php 6,381,000.00 sa pundo sa Provincial Local Government Unit ug sa buhatan nila Sen. Imee Marcos, Sen. Lawrence Bong Go, Sen. Win Gatchalian, Sen. Francis Tolentino, Sen. Ronald ‘Bato’ Dela Rosa, kini para sa Medical, Burial, Transportation, Educational ug Food Assistance. Ang libreng Medical Services usab nahimong possible tungod sa Php 204,000,000.00 nga tabang pinaagi nila Sen. Lawrence Bong Go, Sen. Ronald Bato Dela Rosa, House Speaker Martin Romualdez, ug AKO BICOL Partylist Representative Elizaldy Co. Governor Demerey: ‘Ang eksperyensya sa 781 ka pamilya nga natabangan, nahimo og inspirasyon ug kusog aron ipadayon ang mga serbisyo nga sama niini’. REMEDY SA KATIGULANGAN Padayon ang paghatag og Php 12,000.00 matag tuig para sa nag-edad og 100 years old pataas. Php 6,000.00 matag tuig para sa nag-edad og 90-99 years old. Php 500.00 one time incentives para sa nag-edad og 80-89 years old. Pagkaon ug ayuda para sa mga bed ridden ug living alone senior citizens, gatas, vitamins, maintenance, ug uban pang gamit alang sa 13,839 senior citizens nga nag-edad og 60 pataas. REMEDY SA PWD’s Aduna’y 45 ka mga PWD Beneficiaries ang nahatagan og Livelihood Assistance sa kantidad nga 10 mil ka pesos (Php 10,000) matag usa o sumatotal Php 450,000.00 nga Start-Up Capital sa ilang mga negosyo. 65 ka PWD’s sa tibuok probinsya ang nakadawat og mga gamit sama sa cratches, sungkod ug eyeglasses. – Naserbisyohan usab ang 560 ka Pwd’s ug 4.8 milyones ka pesos (Php 4,800,000.00) ang pundo nga nahatag alang sa lain-laing PWD Services ug Assistance. – Awarded as Most Disability Friendly Local Government Units Province Category, given by the Regional Committee on Disability Affairs Caraga in three (3) consecutive years. REMEDY SA EDUKASYON 750 ka college students ang Full Scholar nga kasamtangang na-enroll sa Don Jose Ecleo Memorial College, kini gipundohan og 21.5 milyones ka pesos (Php 21,500,000.00) gikan sa Scholarship Program sa Probinsya. 239 ang migraduate na sa nagkalain-laing kurso ug aduna’y 1 medical scholar ug 23 ka scholars with Bachelor’s Degree sa Southwestern University sa Cebu City. Governor Demerey: ‘Sa atong mga scholars nga maoy rason nga ato ipadayon ug mapalapdan ang Scholarship Program alang sa paghatag og maayong kaugmaon sa mga batang Dinagatnon. Salamat usab sa bag-ong Ordinansa nga nipasar sa Sangguniang Panlalawigan nga sugod tuig 2025, Php 2,500.00 matag semester ang atong ihatag isip assistance sa dinagatnon students sa Caraga State University ug Surigao Norte State University Main Campus nga nagkantidad ug 2.5 milyones ka pesos (Php 2,500,000.00) nga pundo nga gigahin niini’.

PDI, NAKIGDUYOG SA NASUDNONG PAGSAULOG SA ADLAW NG MGA BAYANI

Leave a Comment / Related News / By

      August 26, 2024 ang adlaw sa tinuig nga pagsaulog sa National Heroes Day. Ang National Heroes Day, o “Araw ng mga Bayani,” usa ka adlaw nga gisaulog sa mga Pilipino aron pagpasidungog sa mga nakigbisog alang sa kagawasan sa nasud. Kini usa ka espesyal nga holiday sa paghandum, paghinumdom ug pagpasidungog sa tanan nga mga bayani nga nagsakripisyo aron matabangan ang Pilipinas nga madaog batok sa mga colonizers. Giila usab niini ang ilang kabayanihan ug sakripisyo, nga nakatabang sa paghulma sa kasaysayan ug pagkatawo sa nasud. Nasayran nga ang kataposang Domingo sa Agosto mao ang gigamit isip petsa sa pagsaulog sa National Heroes Day, nga gipasiugdahan ni Presidente Corazon Aquino isip regular holiday human sa pagpatuman sa Administrative Code of 1987 sa Executive Order No. 292, Book 1, Chapter 7. Human niadto , subay sa Republic Act No. 9492 nga gipasar niadtong 2007, ang National Heroes Day gibalhin ngadto sa kataposang petsa nga gisaulog karong adlawa, nga matag kataposang Lunes sa Agosto. Ang tumong niini nga adjustment mao ang pagdugang sa domestic nga pagbiyahe, turismo, ug kalingawan, ingon man ang mas taas nga mga hinapos sa semana.       Isip pakigduyog sa nasudnong pagsaulog niini, gisugdan sa usa ka misa ang maong selebrasyon nga ni pangunahan ni Philippine Independent Catholic Church (PICC), RT. Rev. Ludovico C. Buaqueña Jr. misunod ang welcome mensahe ni Board Member Jocelyn Relator ug mensahe gikan kay DILG-LGOO VII Rowena S. Acabal. Gipadayag usab sa mensahe ni Governor Nilo P. Demerey Jr., MPM nga ang pagpakabayani dili lamang sa pagpakamatay kundi lakip usab ang maayung pagserbisyo, dugang pa niini nga sa pagkakaron ang giilang modern enemy o kaaway sa nasud mao ang kapobrehon apan giawhag niya ang mga katawhan sa pagtinabangay isip pagpadayun sa legasiya sa mga bayani ug para sa mga musunod nga henerasyon.       Sa laing bahin, gipangunahan sa Dinagat Islands Police Provincial Office (DIPPO) ang Wreath Laying ceremony misunod ang usa ka economic dance gikan sa mga estudyante sa Dinagat Islands School of Fisheries (DSOF) ug mensahe gikan kay Provincial Tourism and Culture Officer Benlen D. Navas, MPA. Atol niini nga pagsaulog, anaa ang presensya sa mga nagkadaiyang personahe gikan sa managlahing ahensya ug departamento sa probinsya lakip ang mga uniform personnel sama sa PNP, PCG, BFP ug Phil. Army.

DALAN NGA DUGAY NA’NG GINAPANGADOY SA PDI PAGASUGDAN NA, GROUNDBREAKING CEREMONY, NAGMALAMPUSON

Leave a Comment / Uncategorised / By

        Opisyal nang pagasugdan ang giilang pinakadako nga proyektong i-implementar sa Department of Agriculture – Philippine Rural Development Project (DA-PRDP) sa probinsya sa Dinagat Islands sa tibuok nasod, pagasugdan na ang pagkongkreto sa dalan nga nagsubay gikan sa Barangay Sering, Roma, Montag sakop sa munisipyo sa Basilisa ug Barangay Plaridel sa munisipyo sa Libjo, nagsukod kini ug 9.478 kms(kilometers) diin nagmalampuson nga gipahigayon ang Groundbreaking Ceremony sa mismong project site niadtong Agosto 14, 2024. Gisugdan sa usa ka misa ang maong Ceremonial Groundbreaking, nga gisundan sa mga pakigpulong nila Governor Nilo P. Demerey Jr., MPM og ingon man ang project overview ni Engr. Ma. Norlyn Silvano isip PPMIU Engineer og Sangguniang Bayan member Hon. Juanito Piodo sa lungsod sa Basilisa.         Tumong niini nga proyekto nga matabangan ang matag mag-uuma, mangingisda ug lumulupyo sa probinsya ilabi na sa mga nahisgutang barangay nga mas mapadali ang pagbyahe sa ilang nga agricultural products ngadto sa merkado ug makahatag kini sa mas dako nga kita alang sa kalambuan sa ilang tagsa-tagsa ka pamilya, barangay ,lungsod ug sa probinsya diin usa usab kini ka mandato sa Department of Agriculture ang masiguro ang Food Supply and Security sa tibuok Caraga.         Sigon pa ni Governor Nilo P. Demerey, Jr.,MPM nga padayun ang ilang pagsuporta sa mga mag-uuma sa probinsya diin usa usab ka garbo para kaniya nga ang probinsya sa Dinagat Islands ang pinakapas-pas ug pinakadali nga mo proceso sa PRDP Scale-Up projects nga nahatagan ug budget diin 80% niini gikan sa World Bank, 10% nga gikan sa National Governmet ug 10% nga counterpart sa Provincial Government.         Kini agi’g haum sa i2FAME o Industrialization, Innovation, Fishery, Agro-Forestry, Mining, and Eco-Tourism nga mao ang basihan sa implementasyon sa mga proyekto sa Regional Development Council diin si Governor Demerey ang chairman niini. Tungod niini, dakong pasalamat ang nadungog gikan sa mga lumulupyo nga namugna ug natawo na ang dugay na nilang gipangandoy nga dalan kini pinaagi sa mensahe ni SB Basilisa-LGU Juanito G. Piodo. Bisan pa man adunay mga project affected person o mga residenting naigo ang ilang mga kauyataan sa maong pagabuhaton nga dalan, apan wala kini nahimong babag alang kanila ug nakita nga mas makatabang kini sa kalambuan sa ilang lugar diin sila og ilang umaabot nga henerasyon ang makapahimulos niini.

COMMUNITY PRE-CONSTRUCTION CONFERENCE PARA SA SP 1 – CONCRETING OF SERING TO PLARIDEL FMR, NAGMALAMPUSONG GIPAHAYON

Leave a Comment / Uncategorised / By

       Nagmalampuson nga gipahigayon ang Community Pre-Construction Conference diin tumong niini mao nga makonsulta ang komunidad sa mga angayang pagabuhaton sa pagasugdan nga pagsimento sa Sering – Plaridel Farm-to-Market Road (FMR) nga gipahigayon niadtong, Agosto 14, 2024 sa Barangay Roma Multi-Purpose Building, Basilisa, Dinagat Islands. Usa kini ka proyekto sa Deparment of Agriculture – Philippine Rural Development Project (DA-PRDP) sa pakig-alayon sa Provincial Government ubos sa pagdumala ni Governor Nilo P. Demerey, Jr., MPM. Mokabat sa Php 340,990,912.71 milyones ang kantidad sa maong proyekto nga diin 80 porsyento niini gipundohan sa World Bank , kini nagsukod og 9.478 kms. (kilometers).         Sulod sa 653 calendar days pagabuhaton sa giilang contructor nga St. Gerrard Construction Gen. Contractor & Development Corporation, ugaling matapos kini adunay 18,382 ka mga indibidual gikan sa upat ka mga barangay sa Sering, Roma, Montag og Plaridel ang mamahimong benepisyaryo sa maong proyekto. Atol public consultation, gipasabot nila Engineer IV, PEO Engr. John Kessi R. Dela Merced, Planning Officer II, PENRO-LGU SES Focal Person Tomas S. Escaner, EnP, Computer Operator IV, PPDO GGU Head Elizalde L. Eraño ug ni Project Evaluation Officer III, PPDO Engr. Gaynna Jed B. Salve ngadto sa mga mangingisda ug mangungumang Dinagatnon ang kabahin sa Presentation of PRDP Components sama sa I-BUILD, ESS, GGU, ug MEL.         Sa susamang higayon, namulong og tin-aw nga gipasabot ni Department of Agriculture, Regional Executive Director Arlan M. Mangelen nga dili basta-basta makuha sa usa ka Local Government Unit ang mga proyekto sa PRDP apan nahimo kini pinaagi sa paningkamot ug pakigtambayayong sa mga nagkalain-laing ahensya sa probinsya sa Dinagat Islands, “Ito yong proyektong pinapangarap ng every farmer, pinapangarap ng every LGU, pinapangarap nga bawat leader”, ingon pa ni Director Mangelen.         Atol niini nga mahinungdanong adlaw anaa ang presensya sa mga representante gikan sa Farmers association sama sa Montag Vegetables and Crops Farmer’s Association, Montag RIC Association, Sering Farmers’ Association, Pineapple Growers Farmers Association, Sering Fisherfolk Association, Purok Paradise Farmers’ Association, Sering Entrepreneur Association, Dinagat Islands Pure Organic Farmers Alliance, Inc. ug uban pa nga maoy nag-unang makabenipisyo niini.         Atol niini nga Community Pre-Construction Conference, anaa usab ang presensya ug suporta nila PIS/I-BUILD Rhidge L. Berdera, PEO-III DA-XII/RPCO Menchie C. Abulencia, SES Officer Richard C. Arbiol ug mga kauban sa buhat, lakip niini anaa ang presensya sa Sangguniang Panlalawigan Members sa distrito 1 ug 2 sama ni Board Members Errol Conrad Dela Cruz, Ali P. Adlawan, Carlos Bua, Anna Lyn Dialde, Jocelyn Relator, ug ni Reggivi Amor Alcaria, Provincial Engineering Office (PEO) sa pagpanguna ni Engr. Fe Botanas ug ni Engr. Norlyn G. Silvano, Office of the Provincial Agriculturist (OPAG) sa pagpanguna ni Rico B. Galinato, MPA, St. Gerrard Construction Gen. Contractor & Development Corporation, Authorized Representative Engr. Albritz C. Quiñonez, RAC, MLGU, BLGU sa upat (4) ka barangay ug uban pa. “Importante alang Kanako og sa pamunuan sa probinsya nga matubag ang yangongo sa mga mag-uuma og mangingisda, kay kung dili tungod nila,mamahimong dili makasustener ang probinsya sa adlaw-adlaw nga panginahanglanon sa pagkaon, mao nga pinaagi sa paghatag kanila sa kasayon sa paghatod sa ilang mga produkto ngadto sa mercado mao ang ato prioridad, ug mao na kini ang nahitabo karun” mao kini ang kina-uyokan sa mensahi nga gipaabot ni Governor Nilo P. Demerey Jr.,GSC, MPM atol sa iyang pakigpulong uban sa walay puas nga pagpasalamat sa pamunuan sa PRDP alang sa dinali-ang pagsanong sa mga hangyo sa probinsya ilabi na niini nga proyekto nga gikunsedirang pinaka dako ka natanyag alang sa usa ka local government unit sa intero nasud sa Pilipinas.

33rd BUREAU OF FIRE PROTECTION FOUNDING ANNIVERSARY PASS-IN-REVIEW PROGRAMME

Leave a Comment / Related News / By

              Ang probinsya sa Dinagat Islands ilalom sa pag dumala ni Provincial Governor, Nilo P. Demerey, Jr., GSC, MPM, ug ni Provincial Vice Governor, Benglen B. Ecleo, pinaagi sa buhatan sa Bureau of Fire Protection (BFP), nag pahigayon sa ika-33rd BFP Founding Anniversary, Pass-In-Review Program, PASA MASID sa temang ” Bomberong Bayani ng Bayan Maasahan para sa Kaligtasan ng Mamamayan “nga gipahigayon niadtong adlawng Lunes, Agosto 5, 2024 sa barangay Cuarinta, San Jose, Dinagat Islands. Atol sa programa, gipasundayag ang pag martsa nga gipangunahan sa, Bureau of Fire Protection (BFP), Provincial Disaster Risk Reduction and Management Office (PDRRMO), Rescuers, Criminology Interns of Don Jose Ecleo Memorial College (DJMC), ug BAGSIC – DIWA sa lungsod sa Dinagat. “Fireman never die they just born forever in the heart of the people who’s lives be saved” kini ang unod sa mensahi nga gipadayag ni Governor, Nilo P. Demerey, Jr., GSC, MPM, isip pagdasig sa mga bombero para ipadayon ang ilang dedikasyon sa serbisyo. Dugang pa sa gobernador nga kinahanglan sa katawhan ang presinsya ug proteksyon sa mga bombero diin sila kanunay ang nagpahimangno sa mga angayang buhaton para malikay sa sunog ang mga lumolopyo.         Sa iyang bahin , si FSINSP Bobby U. Arena, Jr., Acting Provincial Fire Marshal, mipasabot nga unang higayon kini nga mipartisipar ang Dinagat Islands sa Pass and Review Competition haum sa ika 33 ka tuig nga kasaulogan sa anibersaryo niini. Gidasig usab niini ang mga bombero sa pag padayon sa maayong pag serbisyo sa katawhan isip usa ka ehimplo sa responsabling serbisyo publiko .Isip kabahin sa opisyal nga pagtapos, gipasidunggan ug plaque and certificate of Appreciation agi’g pag supporta sa 1st BFP Caraga Pass in Review Competition sila Governor, Nilo P. Demerey, Jr., GSC, MPM, Vice Governor, Benglen B. Ecleo, MAEd, PDRRM Officer, Rosario Jra. R. Alon, Kapitan Marieto B. Gajelloma sa Brgy. Cuarinta, Joel S. Suarez Jr., Rcrim, ug uban pa. Anaa usab niini nga programa ang presinsya nila Provincial Board Member, Hon. Errol Conrad B. Dela Cruz, Hon. Ali P. Adlawan, engon man ang buhatan sa Philippine Coast Guard (PCG), Philippine National Police (PNP), Philippine Army (PA), lakip ang mga opisyalie og empleyado sa pangagamhanang probinsyal sa Dinagat Islands.

Scroll to Top